NIVEA Aqua Effect Mattifying Toner (Review)

ອັບເດດຕາມກັນມາຕິດໆເລີຍເນາະກັບຜະລິດຕະພັນຂອງແບຣນ NIVEA
ສາວໆບ້ານເຮົາຄົງຄຸ້ນໜ້າ ແລະ ຄຸ້ນເຄີຍກັນດີກັບຜະລິດຕະພັນຂອງແບຣນນີ້
ເຊິ່ງມີ Skin Care ຫລາກຫລາຍແບບ ຫລາຍສູດໃຫ້ເຮົາເລືອກໃຊ້ ຈົນບໍ່ຫວາດບໍ່ໄຫວກັນເລີຍ
ນ້ອຍເອງກໍ່ມີອີກໜຶ່ງຜະລິດຕະພັນຂອງ NIVEA ທີ່ໃຊ້ມາໄດ້ໄລຍະໜຶ່ງແລ້ວ
ແລະ ມື້ນີ້ຈຶ່ງຖືໂອກາດດີມາແຊປະສົບການໃຫ້ເພື່ອນສາວທັງຫລາຍຮັບຊົມນຳກັນເນາະ

ນັ້ນກໍ່ຄື NIVEA Aqua Effect Mattifying Toner 

NIVEA Aqua Effect Mattifying Toner

Product Claim
ຄຳອະທິບາຍຜະລິດຕະພັນເພິ່ນບອກໄວ້ວ່າເປັນ ໂທນເນີ້ສຳລັບເຊັດເຮັດຄວາມສະອາດຜິວ

ໃຊ້ຫລັງການລ້າງໜ້າ ນ້ຳ Toner ອຸດົມໄປດ້ວຍສາລ່າຍທະເລ ແລະ ໄຮດຣາ ໄອຄິວ

ເຊິ່ງຊ່ວຍໃນການ

- ປັບສົມດຸນຜິວຢ່າງລ້ຳເລິກ ແລະ ກຳຈັດສິ່ງຕົກຄ້າງ

- ຄົງຄວາມຊຸ່ມຊື່ນ ແລະ ຮັກສາສົມດຸນຕາມທຳມະຊາດໄວ້

- ລົດຄວາມມັນສ່ວນເກີນເທິງໃບໜ້າດ້ວຍສູດ Mattifying

- ສູດປະສົມສາລ່າຍທະເລເຮັດໃຫ້ຜິວມີຊີວິດຊີວາ

ເຫັນ ແລະ ຮູ້ສຶກເຖິງຜິວທີ່ສົດຊື່ນ ແລະ ລົດຄວາມມັນເທິງໃບໜ້າ

ຜິວສົມດຸນຢ່າງລ້ຳເລິກ ແລະ ປັບສົມດຸນຄວາມມັນເທິງຜິວ ເຮັດໃຫ້ຜິວມີສຸຂະພາບດີ

ຜ່ານການທົດສອບໂດຍຜູ້ຊ່ຽວຊານດ້ານຜິວພັນວ່າອ່ອນໂຍນຕໍ່ຜິວ

NIVEA Aqua Effect Mattifying Toner

Ingredients

ສ່ວນປະສົມມີຄືດັ່ງນີ້:

Aqua, Methylpropanediol, PEG-8, Glycerin, PEG-40 Hydrogenated Castor Oil, 

Glyceryl Glucoside, Fucus Vesiculosus Extrack, Panthenol, Sodium Lactate,

Aluminum Chlorohydrate, Caprylic/Capric Triglyceride, Caprylyl Glycol,

Methylparaben, Parfum

ຈະເຫັນວ່າມີສ່ວນປະສົມຂອງສານພາຣາເບນ ແລະ ນ້ຳຫອມ

ໃຜທີ່ແພ້ສານດັ່ງກ່າວຄວນຫລີກລ່ຽງ ຫລື ທົດສອບອາການແພ້ກ່ອນນຳໃຊ້ແນ່ເດີ້

NIVEA Aqua Effect Mattifying Toner

Packaging

ບັນຈຸພັນເປັນຂວດສີຂຽວອ່ອນໃສ ຂະໜາດຈັບກະຊັບມື, ຝາເປີດ-ປິດ ດ້ວຍການດັນຂຶ້ນ-ລົງ

ປະລິມານທີ່ໃຫ້ມາແມ່ນ 200 ml

ຮູເທຜະລິດຕະພັນຈະເປັນຮູນ້ອຍໆ ສາມາດກະປະລິມານທີ່ຈະໃຊ້ໄດ້ເປັນຢ່າງດີ

NIVEA Aqua Effect Mattifying Toner

Product

ເນື້ອຂອງຜະລິດຕະພັນຈະແຫລວໆ ແລະ ມີສີໃສຄືກັບນ້ຳ,
ມີກິ່ນຫອມ (ເພາະປະສົມນ້ຳຫອມມານຳ)

NIVEA Aqua Effect Mattifying Toner

ການນຳໃຊ້ແມ່ນ ເທໂທນເນີ້ໃສ່ສຳລີແລ້ວເຊັດໃຫ້ທົ່ວໜ້າ ແລະ ລຳຄໍ

ເພື່ອເປັນການເຮັດຄວາມສະອາດຜິວໜ້າຂັ້ນຕອນສຸດທ້າຍ 

ເພາະບາງທີເຮົາອາດຈະລ້າງໜ້າບໍ່ສະອາດພຽງພໍ

NIVEA Aqua Effect Mattifying Toner

ນອກຈາກນັ້ນການເຊັດໂທນເນີ້ ຍັງຊ່ວຍໃນການປັບສົມດຸນຂອງຜິວໜ້າ ເພື່ອໃຫ້ຜິວໜ້າມີຄວາມພ້ອມຮັບການບຳລຸງໃນຂັ້ນຕອນຕໍ່ໄປອີກດ້ວຍ

NIVEA Aqua Effect Mattifying Toner

Feeling after use

ຜ່ານການນຳໃຊ້ມາເປັນໄລຍະເວລາໜຶ່ງແລ້ວຮູ້ສຶກວ່າ
ຫລັງເຊັດໜ້າ ຜິວໜ້າສະອາດສົດຊື່ນດີ ແຕ່ຖ້າຫລຸດກິ່ນນ້ຳຫອມລົງອີກຈະດີຫລາຍ ເຫະໆ...

ບໍ່ເຮັດໃຫ້ໜ້າມັນເພີ່ມຂຶ້ນ ແຕ່ກໍ່ບໍ່ເຮັດໃຫ້ຜິວໜ້າແຫ້ງຕຶງ
ຍັງຄົງຄວາມຊຸ່ມຊື່ນເລັກໜ້ອຍໄວ້ທີ່ຜິວ

NIVEA Aqua Effect Mattifying Toner

 

ແທ໋ນແທ່ນ.... ບາດນີ້ເຮົາກໍ່ພ້ອມແລ້ວທີ່ຈະບຳລຸງຜິວໃນຂັ້ນຕອນຕໍ່ໄປ

NIVEA Aqua Effect Mattifying Toner

ໃຫ້ຄະແນນ   3.5/5
ຂໍຫັກຄະແນນບ່ອນທີ່ວ່າໃສ່ນ້ຳຫອມມາຂ້ອນຂ້າງຫລາຍກິ່ນແຮງຫລາຍ

ແລະ ມີສ່ວນປະສົມຂອງສານພາຣາເບນ ເຊິ່ງນ້ອຍບໍ່ມັກ ແລະ ຈະພະຍາຍາມຫລີກລ່ຽງ

ແຕ່ຖ້າໃຜມັກກິ່ນຫອມ, ບໍ່ແພ້ສານດັ່ງກ່າວ ແລະ ຜິວໜ້າບໍ່ມີປັນຫາຍັງ
ໂຕນີ້ກໍ່ຖືວ່າເປັນຂອງດີ ລາຄາຖືກທີ່ຄວນຮັບໄວ້ພິຈາລະນາເນີ້
.............................
Review ນີ້ເປັນພຽງຄວາມຄິດເຫັນສ່ວນບຸກຄົນເທົ່ານັ້ນ
ສະນັ້ນບໍ່ສາມາດນຳໄປຕັດສິນໄດ້ວ່າຜະລິດຕະພັນນີ້ຈະດີ ຫລື ບໍ່
ໃຊ້ແລ້ວຈະແພ້ ຫລື ບໍ່
ເພາະທັງນີ້ກໍ່ຂຶ້ນຢູ່ກັບສະພາບຜິວ ແລະ ຄວາມມັກຂອງແຕ່ລະຄົນ
ເພາະຜິວແຕ່ລະຄົນບໍ່ຄືກັນ ດັ່ງນັ້ນ ຜົນລັບທີ່ໄດ້ກໍ່ຈະບໍ່ຄືກັນ
ຢາກຮູ້ຕ້ອງທົດລອງເອງເນີ້ (^_^)