NIVEA Makeup Clear Cleansing Water (Review)

ສະບາຍດີບັນດາສາວໆທີ່ຮັກການແຕ່ງໜ້າທັງຫລາຍ
ບໍ່ວ່າຈະເປັນສາວນ້ອຍ ສາວໃຫຍ່ ຫລື ສາວໄວໃດໆກໍ່ແລ້ວແຕ່
ຜູ້ຍິງເຮົາທຸກຄົນຕ່າງກໍ່ເຂົ້າໃຈກັນດີວ່າເລື້ອງການແຕ່ງໜ້າເປັນສິ່ງໜຶ່ງທີ່ສຳຄັນ ມັນສາມາດເພີ່ມຄວາມໝັ້ນໃຈ ແລະ
ເຮັດໃຫ້ໜ້າຕາເບິ່ງແລ້ວສົດໃສຂຶ້ນກວ່າຕອນທີ່ບໍ່ໄດ້ແຕ່ງໜ້າແມ່ນບໍ

ສຳລັບໃຜທີ່ມັກຮັກໃນການແຕ່ງໜ້າ ແລະ ຄິດວ່າການແຕ່ງໜ້າເປັນສິ່ງຈຳເປັນ
ຈະແຕ່ງແບບເບົາໆ ຫລື ແບບຈັດເຕັມກໍ່ຕາມ
ຢ່າລືມວ່າການເຊັດລ້າງເຄື່ອງສຳອາງກໍ່ເປັນສິ່ງສຳຄັນເຊັ່ນດຽວກັນ

ແລະ ມື້ນີ້ນ້ອຍມີຜະລິດຕະພັນສຳລັບລ້າງເຄື່ອງສຳອາງມາຣີວິວໃຫ້ຮັບຊົມກັນ ນັ້ນກໍ່ຄື

NIVEA Makeup Clear Cleansing Water

NIVEA Makeup Clear Cleansing Water

Product Information
NIVEA Makeup Clear Cleansing Water
ຈະເປັນ Makeup Remover ສູດນ້ຳ ແລະມີດ້ວຍກັນ 2 ສູດຄື:
- ສີບົວ ສຳລັບທຸກສະພາບຜິວ ແລະ ເໝາະກັບຜິວບອບບາງ
- ສີຂຽວ ສຳລັບຜິວທີ່ແຕ່ງໜ້າແບບຈັດເຕັມ ໜ້າມັນ ໝອງ ແລະ ເປັນສິວງ່າຍ

 ທີ່ຈິງຕອນໄປຊື້ຢາກໄດ້ສີຂຽວ ແຕ່ຮ້ານມີແຕ່ສີບົວກະເລີຍບົວກະບົວຫວະ ລອງເບິ່ງຊັ່ນນະ ^o^

Product Claim
ຄຳອະທິບາຍຜະລິດຕະພັນເພິ່ນບອກໄວ້ວ່າເປັນ  Makeup Remover ສູດນ້ຳ
ທີ່ຊ່ວຍສະລາຍສິ່ງສົກກະປົກ ແລະ ຄາບເຄື່ອງສຳອາງທີ່ຈັດໜັກ
ບໍ່ມີສານທີ່ອາດຈະກໍ່ໃຫ້ເກີດການລະຄາຍເຄືອງ ແລະ ອຸດຕັນຜິວ 5 ຊະນິດເຊັ່ນ:
ສີສັງເຄາະ, ນ້ຳຫອມ, ແອລກໍຮໍ, ພາຣາເບນ ແລະ ຊິລິໂຄນ

ແຕກຕ່າງດ້ວຍເທັກໂນໂລຢີ Micella ນະວັດຕະກຳຂອງ Nivea ທີ່ເຮັດຄວາມສະອາດ
ຄາບເຄື່ອງສຳອາງທີ່ຈັດໜັກ ໂດຍບໍ່ຖິ້ມຄາບນ້ຳມັນມື່ນໆໄວ້ເທິງຜິວ
ໃຊ້ໄດ້ກັບທຸກສະພາບຜິວ ໂດຍສະເພາະຜິວທີ່ມີແນວໂນ້ມລະຄາຍເຄືອງງ່າຍ
ເພື່ອຜິວສະອາດໃສ ບໍ່ຖິ້ມຄາບໜຽວ

NIVEA Makeup Clear Cleansing Water

Ingredients

ສ່ວນປະສົມມີຄືດັ່ງນີ້:

Aqua, PEG-40 Hydrogenated Castor Oil, Phenoxyethanol, Glycerin, 1,2-Hexanediol,

Sorbitol, Poloxamer 124, Trisodium EDTA, Decyl Glucoside, Panthenol,

Polyquaternium-10, Vitis Vinifera Seed Oil, Disodium Cocoyl Glutamate, Glyceryl Glucoside,

Sodium Chloride, Citric Acid, Sodium Acetate, Propylene Glycol

NIVEA Makeup Clear Cleansing Water

Packaging

ບັນຈຸພັນເປັນຂວດຂາວໃສ ຂະໜາດຈັບກະຊັບມື, ຝາເປີດ-ປິດ ດ້ວຍການດັນຂຶ້ນ-ລົງ

ປະລິມານທີ່ໃຫ້ມາແມ່ນ 200 ml

ຮູເທຜະລິດຕະພັນຈະເປັນຮູນ້ອຍໆ ສາມາດກະປະລິມານທີ່ຈະໃຊ້ໄດ້ເປັນຢ່າງດີ

NIVEA Makeup Clear Cleansing Water

Product

ເນື້ອຂອງຜະລິດຕະພັນຈະແຫລວ ແລະ ມີສີຂາວໃສຄ້າຍຄືນ້ຳ

ທີ່ສຳຄັນຍັງບໍ່ມີກິ່ນອີກດ້ວຍ

NIVEA Makeup Clear Cleansing Water

NIVEA Makeup Clear Cleansing Water

ບາດນີ້ເຮົາມາທົດລອງຄວາມສາມາດໃນການເຊັດລ້າງເຮັດຄວາມສະອາດໄປພ້ອມໆກັນເລີຍເນາະ

ໂດຍການທາຜະລິດຕະພັນສຳລັບແຕ່ງໜ້າໄວ້ທີ່ແຂນ ແລ້ວປະໄວ້ປະມານ 10 ນາທີ

ເພື່ອເຮັດໃຫ້ Makeup ຕ່າງໆເຊັດໂຕ ແລະ ຕິດທົນຂຶ້ນ

NIVEA Makeup Clear Cleansing Water

ຫລັງຈາກນັ້ນເທ NIVEA Makeup Clear Cleansing Water ໃສ່ສຳລີໃຫ້ປຽກຊຸ່ມ

ແລ້ວນຳມາແປະວາງໄວ້ທີ່ແຂນປະມານ 10-15 ນາທີ ໃຫ້ Cleansing ຊຶມລົງທີ່ຜິວ

ແລະ ພ້ອມທີ່ຈະເຮັດຄວາມສະອາດ

NIVEA Makeup Clear Cleansing Water

ຫລັງຈາກນັ້ນກໍ່ເຊັດແບບເບົາໆຄັ້ງທີ 1

ຈະເຫັນວ່າຍັງເຫລືອຄາບເຄື່ອງສຳອາງຢູ່

ທີ່ເລືອນຫາຍໄປແນ່ເລັກໜ້ອຍຈະມີພວກ BB, Concealer, Eye liner, Eye brow 

ເຊິ່ງຜະລິດຕະພັນທີ່ໃຊ້ທົດລອງນີ້ຈະບໍ່ກັນນ້ຳ

ສ່ວນທີ່ຍັງຢູ່ແບບເຫັນຊັດເຈນ ແລະ Strong ຄື: Mascara ແລະ Lipstick

ຜະລິດຕະພັນທີ່ໃຊ້ທົດລອງເປັນແບບກັນນ້ຳ ເຊິ່ງຈະຕິດທົນພໍສົມຄວນ

NIVEA Makeup Clear Cleansing Water

ເຊັດອີກຄັ້ງທີ 2

ຈະເຫັນວ່າຜະລິດຕະພັນທີ່ບໍ່ກັນນ້ຳສ່ວນໃຫຍ່ຈະເລືອນຫາຍໄປເກືອບໝົດແລ້ວ

ມີພຽງແຕ່ຜະລິດຕະພັນທີ່ກັນນ້ຳ ທີ່ເລືອນຫາຍໄປພຽງເລັກໜ້ອຍ

NIVEA Makeup Clear Cleansing Water

ເຊັດອີກຄັ້ງທີ 3,4 ແລະ 5

ຈະເຫັນວ່າເລືອນຫາຍໄປເກືອບໝົດແລ້ວ 

ຍັງເຫລືອພຽງແຕ່ Lipstick ຂອງ Mistine ລຸ້ນ DNA ເທົ່ານັ້ນທີ່ຍັງຄົງ Strong ຢູ່ ^^

NIVEA Makeup Clear Cleansing Water

Feeling after use

ຜ່ານການນຳໃຊ້ມາເປັນໄລຍະເວລາດົນເຕີບຈົນໃກ້ຈະໝົດຂວດແລ້ວຮູ້ສຶກວ່າ

ເປັນຜະລິດຕະພັນທີ່ມີລາຄາຖືກ ແລະ ດີອີກໂຕໜຶ່ງທີ່ໜ້າລອງ

ເພາະເປັນຜະລິດຕະພັນທີ່ອ່ອນໂຍນ ແລະ ປາດສະຈາກສານກໍ່ໃຫ້ເກີດການລະຄາຍເຄືອງຜິວ

ເຖິງ 5 ຊະນິດ, ແຖມເຊັດແລ້ວຍັງເຮັດໃຫ້ໜ້າບໍ່ແຫ້ງ ແລະ ບໍ່ເຮັດໃຫ້ເກີດສິວອີກດ້ວຍ

NIVEA Makeup Clear Cleansing Water

ໃຫ້ຄະແນນ 4/5
ຫັກຄະແນນໜ້ອຍໜຶ່ງບ່ອນວ່າເຊັດລ້າງເຄື່ອງສຳອາງທີ່ກັນນ້ຳອອກໄດ້ຍາກ
ຕ້ອງໃຊ້ແຮງຖູ ເຊິ່ງຖ້າຈະເຊັດຖູແຮງແບບນັ້ນຜິວໜ້າຄົງຈະຮັບບໍ່ໄຫວ
ຄົງຈະຕ້ອງໃຊ້ຕົວຊ່ວຍອື່ນແທນ ແຕ່ຢ່າງໃດກໍ່ຖືວ່າດີ ແລະ ຄຸ້ມຄ່າ

ສຳລັບໃຜທີ່ຍັງຊອກຫາ Cleansing ດີໆບໍ່ໄດ້ ກໍ່ລອງຊື້ມາທົດລອງໃຊ້ເບິ່ງກໍ່ໄດ້
ຄິດວ່າທ່ານຄົງຈະບໍ່ຜິດຫວັງ ^.^
.............................
Review ນີ້ເປັນພຽງຄວາມຄິດເຫັນສ່ວນບຸກຄົນເທົ່ານັ້ນ
ສະນັ້ນບໍ່ສາມາດນຳໄປຕັດສິນໄດ້ວ່າຜະລິດຕະພັນນີ້ຈະດີ ຫລື ບໍ່
ໃຊ້ແລ້ວຈະແພ້ ຫລື ບໍ່
ເພາະທັງນີ້ກໍ່ຂຶ້ນຢູ່ກັບສະພາບຜິວ ແລະ ຄວາມມັກຂອງແຕ່ລະຄົນ
ເພາະຜິວແຕ່ລະຄົນບໍ່ຄືກັນ ດັ່ງນັ້ນ ຜົນລັບທີ່ໄດ້ກໍ່ຈະບໍ່ຄືກັນ
ຢາກຮູ້ຕ້ອງທົດລອງເອງເນີ້ (^_^)