Review Aqua Plus Series Purifying Cleansing Water

ສະບາຍດີ ມື້ນີ້ຈະມາ Review Aqua Plus Series Purifying Cleansing Water ເຊິ່ງເປັນ Cleansing Water ຂອງແບຣນ Aqua Plus Series

ການຣີວິວນີ້ເປັນພຽງຄວາມເຫັນສ່ວນບຸກຄົນເທົ່ານັ້ນ

ກ່ອນອື່ນຂໍບອກເຖິງສະພາບຜິວຂອງເຈົ້າຂອງ Blog ກ່ອນວ່າ

1. ເປັນຄົນຮູ​ຂຸມ​ຂົນ​ກວ້າງ

2. ຜິວຂ້ອນຂ້າງມັນ ເຖິງ ມັນ​ທີ່ສຸດ

3. ຜິວ 2 ສີ ຂາວເຫລືອງ  (ແຕ່ອອກໄປທາງເຫລືອງຫລາຍກວ່າ) 

4. ເປັນສິວງ່າຍ

ຖ້າຜູ້ໃດກຳລັງຊອກຫາຜະລິດຕະພັນສຳລັບເຊັດລ້າງເຄື່ອງສຳອາງ

Aqua Plus Series Purifying Cleansing Water ກໍ່ເປັນອີກໂຕໜຶ່ງທີ່ໜ້າສົນໃຈ

ຕໍ່ໄປເຮົາຈະເລີ່ມການຣີວິວກັນເລີຍ

ນີ້ຄືຫນ້າຕາຂອງຜະລິດຕະພັນທີ່ຈະຣີວິວໃນມື້ນີ້ 

ຜະລິດຕະພັນຈະມີຂະຫນາດດຽວຄື 150 ml 

 ກ່ອງເປັນສີຟ້າອ່ອນ, ສ່ວນໂຕຂວດຈະເປັນສີຂາວ

ຜະລິດຕະພັນນີ້ເໝາະກັບຄົນຜິວມັນ ແລະ ເປັນສິວງ່າຍ

ບໍ່ປະສົມນ້ຳມັນ ແລະ Alcohol

ຂວດເປັນສີຂາວທຶບເຮັດໃຫ້ຜະລິດຕະພັນມີຄວາມສະຖຽນ

ເມື່ອຈະໃຊ້ໃຫ້ກົດຝາລົງດັ່ງຮູບ

ຈະເຫັນວ່າໂຕຜະລິດຕະພັນຈະເປັນນ້ຳໃສໆ ແຕ່ກໍ່ມີຄວາມເຂັ້ມຂຸ້ນກວ່ານ້ຳ

ມາທົດລອງເບິ່ງຄວາມສາມາດຂອງຜະລິດຕະພັນກັນເລີຍ

ຫລັງຈາກເທຜະລິດຕະພັນໃສ່ສຳລີແລ້ວ ເອົາແປະໄວ້ປະມານ 10-15 ວິນາທີ ແລ້ວເຊັດ
ເຊັດຄັ້ງທີ  1 ຈະເຫັນວ່າຜະລິດຕະພັນທີ່ບໍ່ກັນນ້ຳລຶບອອກຫມົດ

 

ເຊັດຄັ້ງທີ 2 ຍັງເຫລືອ ມາສຄາລ່າຂອງ Maybelline ເທົ່ານັ້ນ

(Maybelline ຂອງເຂົາດີແທ້ໆ ຫຸຫຸ)

 

ຄວາມຮູ້ສຶກຫລັງໃຊ້ເຫັນວ່າ:
ເປັນຜະລິດຕະພັນທີ່ດີອີກໂຕໜຶ່ງ (ແຕ່ລາຄາຄ່ອນຂ້າງແພງ)
ຫລັງເຊັດຫນ້າຮູ້ສືກວ່າຫນ້າຈະນຸ້ມ ແລະ ຊຸ່ມຊື່ນ, ບໍ່ຖິ້ມຄວາມໜຽວ ແລະ ມັນ
ເຊັດ BB, ແປ້ງ ແລະ Make up ຖືວ່າເຮັດໄດ້ດີ 
ແຕ່ສຳລັບມາສຄາລ່າລຸ້ນທີ່ກັນນ້ຳດີໆບາງໂຕຍັງບໍ່ສາມາດຈະເຊັດອອກໄດ້ງ່າຍ
(ເພາະເຊັດແຮງອາດເຮັດໃຫ້ຫນັງຕາແຫ່ວໄດ້ ຄວນໃຊ້ຜະລິດຕະພັນສຳລັບສະເພາະເຊັດຕາດີກວ່າ)
ຖືວ່າໃຫ້ຜົນລັບເປັນທີ່ຫນ້າພໍໃຈ

ໃຫ້ຄະແນນ 4/5

ຣີວິວນີ້ເປັນພຽງຄວາມຄິດເຫັນຂອງເຈົ້າຂອງ Blog ເທົ່ານັ້ນ ດັ່ງທີ່ໄດ້ກ່າວໄວ້ຂ້າງຕົ້ນແລ້ວ
ສະນັ້ນບໍ່ສາມາດນຳໄປຕັດສິນໄດ້ວ່າຜະລິດຕະພັນນີ້ຈະດີ ຫລື ບໍ່, ໃຊ້ແລ້ວຈະແພ້ ຫລື ບໍ່
ເພາະທັງນີ້ກໍ່ຂຶ້ນຢູ່ກັບສະພາບຜິວ ແລະ ຄວາມມັກຂອງແຕ່ລະຄົນ
ເພາະຜິວແຕ່ລະຄົນບໍ່ຄືກັນ ດັ່ງນັ້ນ ຜົນລັບທີ່ໄດ້ກໍ່ຈະບໍ່ຄືກັນ
ຢາກຮູ້ຕ້ອງທົດລອງເອງເນີ້ (^_^)