Review L'Oreal Paris White Perfect Whitening & Moisturizing Toner

ສະບາຍດີ ມື້ນີ້ຈະມາ Review L'Oreal Paris White Perfect Whitening & Moisturizing Toner ເຊິ່ງເປັນ Toner ອີກໂຕໜຶ່ງຂອງແບຣນ L'Oreal

ການຣີວິວນີ້ເປັນພຽງຄວາມເຫັນສ່ວນບຸກຄົນເທົ່ານັ້ນ

ກ່ອນອື່ນຂໍບອກເຖິງສະພາບຜິວຂອງເຈົ້າຂອງ blog ກ່ອນວ່າ

1. ເປັນຄົນຮູ​ຂຸມ​ຂົນ​ກວ້າງ (ທີ່ສຳຄັນມີຫນວດ 555 ...ແຕ່ຢ່າ​ແປກໃຈ​ເຈົ້າຂອງ blog ເປັນຜູ້ຍິງ​ເດີ້ 😊)
2. ຜິວຂ້ອນຂ້າງມັນ ເຖິງ ມັນ​ທີ່ສຸດ (ຍາມຮ້ອນຈືນໄຂ່ໄດ້ເລີຍ ... ຫຸຫຸ 😄)
3. ຜິວ 2 ສີ ຂາວເຫລືອງ  (ແຕ່ອອກໄປທາງເຫລືອງຫລາຍກວ່າ) 
4. ເປັນສິວງ່າຍ

ນີ້ຄືຫນ້າຕາຂອງຜະລິດຕະພັນທີ່ຈະຣີວິວໃນມື້ນີ້

 ຄຸນນະສົມບັດ, ວິທີໃຊ້ ແລະ ສ່ວນປະສົມຕ່າງໆຂອງຜະລິດຕະພັນ

ຄຳເຄລມຂອງຜະລິດຕະພັນບອກວ່າ 
ເປັນໂທນເນີ້ເພື່ອປັບສະພາບຜິວເພື່ອຜິວໜ້າກະຈ່າງໃສ

• ລ້ຳໜ້າດ້ວຍສານ PRO-EXFOLIATINE ຊ່ວຍປັບຜິວຊັ້ນນອກທີ່ບໍ່ສະໝ່ຳສະເໝີໃຫ້ລຽບນຽນ ກະຈ່າງໃສຢ່າງຕໍ່ເນື່ອງ

• ອຸດົມດ້ວຍຄຸນຄ່າຂອງ  Vitamin C ແລະ Melanin-Block ທີ່ມີສ່ວນຊ່ວຍໃນການຫລຸດຜ່ອນຜິວໝອງ

 ແຕ່ວ່າ....
ຜະລິດຕະພັນນີ້ມີສ່ວນປະສົມຂອງ Alcohol ເຊິ່ງມາໃນລຳດັບຕົ້ນໆເລີຍ, ມີສານ Paraben ເຊິ່ງອາດເຮັດໃຫ້ຜິວລະຄາຍເຄືອງ
ແລະ ມີສ່ວນປະສົມຂອງນ້ຳຫອມ ໃຜທີ່ແພ້ນ້ຳຫອມ ຫລື ຜິວແພ້ງ່າຍຄວາມຫລີກລ່ຽງ

ຄວາມຮູ້ສຶກຫລັງໃຊ້ເຫັນວ່າ:
ບໍ່ຄ່ອຍແຕກຕ່າງຫຍັງກັບຜະລິດຕະພັນທີ່ເປັນ Toner ຂອງແບຣນອື່ນ 
ຫລັງເຊັດຫນ້າຮູ້ສືກວ່າຫນ້າຈະຂ້ອນຂ້າງຫນຽວຫນ້ອຍຫນຶ່ງ
ແລະ ເມື່ອໃຊ້ຈົນໝົດຂວດແລ້ວກໍ່ບໍ່ເຫັນເຖິງຄວາມຂາວໃສ ແລະ ຈຸດດ່າງດຳກໍ່ບໍ່ເຫັນຈາງລົງ
ດັ່ງທີ່ຕົວຜະລິດຕະພັນໄດ້ກ່າວໄວ້ເທິງຂວດ

ໃຫ້ຄະແນນ 3/5
ເນື່ອງຈາກມີສານ Paraben ອາດຈະກໍ່ໃຫ້ເກີດການລະຄາຍເຄືອງຜິວ
ແລະ  Alcohol ເຊິ່ງຖ້າໃຊ້ເປັນເວລາດົນນານຈະເຮັດໃຫ້ຮູຂຸມຂົນກວ້າງຂຶ້ນ

ຈົບແລ້ວສຳລັບການ Review (^_^)

ຣີວິວນີ້ເປັນພຽງຄວາມຄິດເຫັນຂອງເຈົ້າຂອງ Blog ເທົ່ານັ້ນ ດັ່ງທີ່ໄດ້ກ່າວໄວ້ຂ້າງຕົ້ນແລ້ວ
ສະນັ້ນບໍ່ສາມາດນຳໄປຕັດສິນໄດ້ວ່າຜະລິດຕະພັນນີ້ຈະດີ ຫລື ບໍ່, ໃຊ້ແລ້ວຈະແພ້ ຫລື ບໍ່
ເພາະທັງນີ້ກໍ່ຂຶ້ນຢູ່ກັບສະພາບຜິວ ແລະ ຄວາມມັກຂອງແຕ່ລະຄົນ
ເພາະຜິວແຕ່ລະຄົນບໍ່ຄືກັນ ດັ່ງນັ້ນ ຜົນລັບທີ່ໄດ້ກໍ່ຈະບໍ່ຄືກັນ