Aqua Plus Series and Victoria Jackson
ສະບາຍດີ ມື້ນີ້ຈະມາແນະນຳໃຫ້ຮູ້ຈັກກັບແບຣນ Aqua Plus Series ແລະ Victoria Jackson
ເມື່ອກ່ອນກໍ່ບໍ່ເຄີຍຮູ້ຈັກກັບ 2 ແບຣນນີ້ມາກ່ອນ
ແຕ່ບໍ່ດົນມານີ້ກໍ່ມີໂອກາດໄດ້ຮູ້ຈັກ ເມື່ອທາງບໍລິສັດໄດ້ຈັດງານ Training
ເພື່ອສອນທັກສະການແຕ່ງໜ້າໃຫ້ກັບພະນັກງານ
ໂດຍໄດ້ເຊີນວິທະຍາກອນຈາກແບຣນເຄື່ອງສຳອາງ Victoria Jackson ມາເປັນຜູ້ສາທິດການແຕ່ງໜ້າໃນງານດັ່ງກ່າວ
 |
| ຮູບລວມໝູ່ Aqua Plus Series ແລະ Victoria Jackson |
ມາເລີ່ມກັນເລີຍດ້ວຍແບຣນ... Aqua Plus Series
Aqua Plus Series ເປັນເຄື່ອງສຳອາງໃນກຸ່ມເວດສຳອາງ (Cosmeceuticals) ສຳລັບດູແລຜິວພັນ ເໝາະກັບທຸກສະພາບຜິວໂດຍສະເພາະຄົນຜິວມັນ ແລະ ຜິວແພ້ງ່າຍ
ຊ່ວຍຫລຸດຜ່ອນສິວ ແລະ ກຳຈັດຄວາມມັນສ່ວນເກີນເທິງໃບໜ້າ ພ້ອມກັບເຕີມຄວາມຊຸ່ມຊື່ນໃຫ້ແກ່ຜິວ
ໂດຍການປະສານເຕັກໂນໂລຢີທາງວິທະຍາສາດຮ່ວມກັບສານສະກັດບໍລິສຸດຈາກທຳມະຊາດ
ຈຶ່ງເຮັດໃຫ້ຜະລິດຕະພັນມີຄວາມອ່ອນໂຍນຕໍ່ຜິວບອບບາງ
ແຕ່ຜະລິດຕະພັນຂ້ອນຂ້າງຈະຫາຊື້ຍາກເພາະຍັງບໍ່ທັນເປັນທີ່ຮູ້ຈັກຢ່າງແຜ່ຫລາຍ
ລາຄາຂ້ອນຂ້າງສູງ ແຕ່ປະສິດທິພາບກໍ່ຖືວ່າເຮັດໄດ້ດີພໍສົມຄວນ
ເມື່ອໄດ້ທົດລອງໃຊ້ຜະລິດຕະພັນດັ່ງກ່າວແລ້ວ ຈາກທີ່ວ່າຈະຊື້ພຽງ 2 ຢ່າງ (ເນື່ອງດ້ວຍງົບປະມານໃນກະເປົ໋າມີຈຳກັດ ເຫະໆ) ແຕ່ເມື່ອພົບກັບມົນປາກຂອງບັນດາວິທະຍາກອນສະກົດຈິດພຽງເທົ່ານັ້ນ (-_-!)
ຈຶ່ງເຮັດໃຫ້ໄດ້ Skin care ມາຢູ່ໃນຄອບຄອງ 1 ເຊັດ (5 ຢ່າງ) ແບບງົງໆ ຫະຫະຫະ....
 |
| ພີ່ນ້ອງຕະກູນ Aqua Plus Series |
ມາຕໍ່ກັນກັບແບຣນ... Victoria Jackson
Victoria Jackson ເປັນແບຣນເຄື່ອງສຳອາງຄຸນນະພາບຊື່ດັງຈາກ Hollywood ປະເທດອາເມຣິກາ
ຊື່ແບຣນດັ່ງກ່າວນີ້ໄດ້ມາຈາກ Victoria Jackson Makeup Artist
ທີ່ຄົນໃນ Hollywood ໃຫ້ຄວາມຊື່ນຊົມໃນຝີມືມາຫລາຍກວ່າ 15 ປີ
ດ້ວຍ Style ການແຕ່ງໜ້າໃສໆທຳມະຊາດ ແບບ “no makeup-makeup”
ຜະລິດຕະພັນດັ່ງກ່າວລາຄາຂ້ອນຂ້າງແພງເກືອບເທົ່າກັບແບຣນເຄົາເຕີ້
ຄຸນນະພາບຖືວ່າໃຊ້ດີ ແຕ່ຖ້າຫລຸດລາຄາລົງມາຈະດີຫລາຍກວ່ານີ້ ຫະຫະຫະ... (^_^)
ແບຣນນີ້ຢາກໄດ້ຫລາຍຢ່າງ ແຕ່ເມື່ອຄຳນວນເບິ່ງເງິນໃນກະເປົ໋າແລ້ວ ຫະຫະຫະ....
ຈຶ່ງຈັດມາເພື່ອທົດລອງພຽງ 2 ຢ່າງ
ກ່ອນຈາກກັນປິດທ້າຍດ້ວຍຮູບລວມໝູ່ຕອນແກະກ່ອງ
 |
| ເມື່ອແກະກ່ອງອອກມາຈະເຫັນບັນຈຸພັນແບບນີ້ |
ສຳລັບການ Review ຜະລິດຕະພັນແມ່ນຈະເວົ້າໃນ Blog ໜ້າເນາະ
Comments
Post a Comment